image VV në pritje të PDK-së për ta rrëzuar Qeverinë Hoti

Politikë

VV në pritje të PDK-së për ta rrëzuar Qeverinë Hoti

news image

Lëvizja Vetëvendosje është në pritje të Grupit Parlamentar të Partisë Demokratike të Kosovës që t’i jap propozimet për t’i bashkëngjitur në kërkesën për mocionin e mosbesimit ndaj Qeverisë Hoti.

Kështu ka deklaruar zëdhënësi i kësaj partie, Përparim Kryeziu, i cili shtoi se aktualisht i kanë 31 nënshkrime dhe janë në përpunim e sipër të tekstit të mocionit.

“Për mocionin e mosbesimit ndaj ‘Qeverisë Koti’ janë 31 nënshkrime. Kreu i GP të LVV-së, Rexhep Selimi, është në pritje të shtesave në tekstin e mocionit që do t’i bëjë kreu i GP të PDK-së”, tha Kryeziu për Kohën.

Ndërkohë të enjten, Lëvizja Vetëvendosje njoftoi se ka filluar me mbledhjen e nënshkrimeve për ta rrëzuar Qeverinë Hoti, me arsyetimin se ka dështuar në menaxhimin e situatës me pandeminë e COVID-19.

Sipas Kushtetutës së Kosovës, mocioni i mosbesimit ndaj Qeverisë mund të iniciohet me propozimin e një të tretës së deputetëve të parlamentit, që i bie me 40 nënshkrime./Gazeta Sinjali/