Gazeta Sinjali raportoi pak më parë për një rast tragjik që ka ndodhur sot në fshatin Peran të Podujevës, ku mbeti i vdekur një person pasi u qëllua me armë të zjarrit. Të riun dyshohet se e vrau babai i tij, thonë burimet brenda Prokurorisë.
Të njëjtat burime kanë konfirmuar për Sinjalin se i dyshuari, babai i viktimës tashmë është arrestuar, por ende nuk e ka pranuar veprën të cilën dyshohet se e ka kryer.
Sinjali mëson se vrasja ndodhi si shkak i problemeve pronësore.
Lidhur me rastin Sinjali do t’iu mbajë të informuar.
