Arsenali zyrtarizoi transferimin e mesfushorit portugez, Fabio Vieira.
‘Topçinjtë’ nënshkruan për një shumë rreth 35 milionë eurosh, në një kontratë pesë-vjeçare.
Pas transferimit, Vieira ka dhënë deklaratën e tij të parë si lojtar i ri i klubit.
I pyetur për marrëveshjen që ndodhi kaq shpejt, ai tha: “Sigurisht që ishte një proces i shpejtë. Ishte diçka që më tërhoqi. Takimi me njerëzit në klub ishte një pozitiv i vërtetë për mua. Më pëlqen këtu dhe jam këtu për t’i dhënë skuadrës gjithçka”.
Fabio Vieira për stilin e tij të lojës: “Unë jam një lojtar sulmues që kërkon të gjejë hapësirë midis linjave për të qenë në gjendje të përfundojë lëvizjet ose me asistime ose duke shënuar gola. Mendoj se këto janë atributet kryesore që tifozët e Arsenalit mund të presin nga unë. Unë gjithmonë do të jap gjithçka për ekipin“, deklaroi ai.
Ai deklaroi se është mjaft i emocionuar për këtë lëvizje, duke shtuar se ky është një hap i madh i tij në karrierë.
“Jam i emocionuar, sigurisht. Ky është një hap i rëndësishëm përpara në karrierën time. Arsenali është një klub i madh dhe historik, ndaj jam i lumtur që jam këtu në shtëpinë time të re.
“Arsenali është një klub historik anglez. Është një nga klubet më të mëdha në botë. Të gjithë e dinë se Arsenali është një ekip fantastik. Ky ishte një nga faktorët kryesorë që më pas zgjodha Arsenalin. Më pëlqen shumë mënyra se si luan ekipi dhe mezi pres të filloj“, tha ai.
Për transferimin e portugezit, entuziast u treguan edhe trajneri, Mikel Arteta, dhe drejtori sportiv, Edu.
Trajneri i Arsenalit, Mikel Arteta tha: “Jam shumë i emocionuar që kemi identifikuar dhe nënshkruar me një talent kaq të veçantë. Fabio është një lojtar shumë kreativ që do të sjellë cilësi të lartë dhe shkathtësi në lojën tonë sulmuese. Ne i mirëpresim Fabion dhe familjen e tij në klubin tonë dhe mezi presim të fillojmë punën me të përpara sezonit të ri.”
Drejtori teknik Edu shtoi: “Ne jemi shumë të kënaqur që kemi përfunduar nënshkrimin e Fabios nga FC Porto. Fabio është një lojtar me cilësi të veçanta që ndihet rehat me topin në të tretën e fundit të fushës. Të gjithë mezi presim të punojmë me të dhe të shijojmë kontributin e tij të ardhshëm në Arsenal. Tani do të vazhdojmë të punojmë shumë dhe mezi presim ta përfundojmë këtë dritare transferimi sa më fort të jetë e mundur“, përfundoi braziliani.
