Sot gjatë ditës një person ka shkaktuar vetaksident me traktor në fshatin Dumnicë e Llugës në Vushtrri, raporton Gazeta Sinjali.
Burimet e Gazetës Sinjali kanë bërë të ditur se një traktor është rrokullisur dhe ka zënë shoferin e tij, pasi që dyshohet se ky i fundit e ka humbur drejtimin e automjetit dhe ka dalë jashtë rrugës.
Sinjali mëson se si pasojë e aksidentit, shoferi i automjetit ka marrë lëndime trupore dhe është dërguar në Emergjencën në Vushtrri, më pas i njëjti është transferuar për në QKUK.
Sipas informacioneve të para, i lënduari është jashtë rrezikut për jetë dhe po vazhdon trajtimin mjekësor.
