Reshjet e shiut gjatë ditës së sotme kanë shkaktuar vërshime në disa vende të Kosovës, kësaj radhe duke përfshirë edhe qytetin e Pejës.
Sinjalizuesit e Gazetës Sinjali kanë dërguar pamje te rruga e Spitalit, ku shihet se reshjet e shiut kanë sjellë një sasi të madhe të ujit duke shkaktuar bllokimin e shumë rrugëve.
Vërshimet e mëdha madje kanë rrezikuar edhe jetën e qyetetarëve, duke rrezikuar të bien në Bistricë.
Sipas të njëjtëve, disa ekipe të zjarrfikësve tashmë kanë dalë në terren për ta vëzhguar situatën.
“Njerëzve deri te dera e hymjes iu ka hy uji, nuk po kanë mundësi as me i hapë dyert”, thotë një sinjalizues.
Nga pamjet shihet se rruga në këtë pjesë të qytetit të Pejës, është kapluar nga uji, kështu që duke krijuar vështirësi në lëvizje.
