Një bunker nga koha e Luftës së Ftohtë ka dalë në shitje në Britaninë e Madhe për 18,000 paund. Vetëm se, ky vendstrehim nuk ka furnizim me ujë, gaz apo energji elektrike.
Ky bunker anti-bërthamor dikur ishte në pronësi të Korpusit Mbretëror i Vëzhgimit. Në përshkrimin e pronës thuhet se bunkeri ka pamje nga fushat e fshatit dhe akses në rrugë kryesore.
Megjithatë, strehimi që ndodhet 6 metër nëntokë përshkruhet si shumë primitiv. Por, mesa duket, për arsye sigurie blerësit nuk do të kenë mundësi që të futen në ambientet e bunkerit i cili ndodhet në Pontefract, Yorkshire perëndimor, shkruan dailymail.
Kur ishte funksional, i vetmi akses që kishin me botën e jashtme personat që qëndronin atyre ishte një pajisje me altoparlant, e lidhur me selinë e Organizatës së Paralajmërimit dhe Monitorimit të MB.
Bunkeri dhe toka përreth tij do të dalin në ankand më 21 qershor.
