Klubi i futbollit, Vëllaznimi, është në gjendje të rëndë financiare tash e një kohë të gjatë dhe nuk po arrin të këndellet, shkruan Sinjali Sport.
Mirëpo, shpresë pë klubin gjakovar po shihet ndihma që mund t’ia japë kryetari i komunës, Ardian Gjini.
Madje sipas njoftimit të klubit, lojtarët nuk janë paguar që tre muaj.
“Shpresojmë që së shpejti kryetari i rizgjedhur Ardian Gjini ta mbajë Kuvendin e Punës të klubit( që nuk ështe mbajtur tash e disa vite ) ku duhet të zgjidhet kryesia e re e klubit dhe së dyti te mbahet takim me donatorët e interesuar per ta financuar Vellaznimin të cilët përmes ligjit të sponzorizimit mund të kontribojnë për klubin e qytetit”, thuhet në postimin e tifozëve në Facebook.
“Lojtarët tash e disa javë janë larguar nga klubi pasi nuk janë paguar qe 3 muaj”, thuhej në postim.
Kujtojmë që një krizë e tillë e ka kapur edhe klubin e Drenicës. Madje për këtë arsye, kryesia e klubit dha dorëheqje.
