Amerikania më e vjetër, Hester Ford, ka vdekur në moshën 116-vjeçare, duke lënë pas rreth 125 stërnipër dhe mbesa.

Nuk është krejtësisht e sigurt nëse ajo ka lindur në vitin 1905 apo 1904, Hester Ford u njoh nga “Gerontology Research Group” si amerikania më e moshuar.

Ford, e cila thuhet se ishte afrikano-amerikane, ka lindur në Karolinën e Jugut dhe është rritur në një fermë ku ka punuar në fushë pambuku dhe më pas punoi si dado.

“Ajo përfaqësoi zhvillimin e familjes por edhe zhvillimin e afrikano-amerikanëve dhe kulturës së tyre në shtetin tonë. Na kujtoi rrugën që kemi përshkruar si komb”, ka thënë familja.

Amerikania 116-vjeçare i kishte mbijetuar pandemisë së gripit spanjoll. Ajo vdiq në shtëpi ndërsa shkaku i vdekjes nuk dihet.

Aktualisht, gruaja më e vjetër në botë është japonezja Kane Tanaka, 118-vjeçare. /Gazeta Sinjali/