Ka humbur jetën në Foligno ambasadorja italiane në Australi, 56-vjeçare, Francesca Tardioli. Ajo ndodhej në qytetin e saj për disa ditë pushime, shkruan Gazeta Sinjali.

Lajmi bëhet i ditur nga gazeta lokale, Corriere dell’Umbria.

Tardioli vdiq pasi u rrëzua nga ballkoni i një shtëpie, duke humbur ekuilibrin, gjatë kohes sa po përkulej në ballkon.

“Me trishtim të pafund”, shkroi në Twitter, profili zyrtar i Ministrisë së Punëve të Jashtme dhe Bashkëpunimit Ndërkombëtar të Italisë.

“Ne vajtojmë vdekjen e Francesca Tardioli, ambasadores së Italisë në Canberra dhe ajo i bashkohet dhimbjes së të dashurve të saj. Do ta kujtojmë me dashuri për cilësitë e saj të admirueshme profesionale dhe njerëzore: një diplomate e madhe dhe shërbëtore e shtetit”, thuhet në shkrimin e tyre.

Hetuesit aktualisht po hetojnë se çfarë ndodhi.

/GazetaSinjali/