Një alpinist ka vdekur pasi ka rënë qindra metra poshtë, ndërsa po përpiqej të shkrepte një foto në skajin e një maje mali të Arizonës, herët në mëngjes.

Zyra e Sherifit të Qarkut Pinal ka thënë se 21-vjeçari, Richard Jacobson, ishte duke kampuar me një shok pranë maleve Supersticioni në lindje të Phoenix.

Shoqëruesi i Jacobson në kamp e telefonoi 911 rreth orës 12:45 të mëngjesit të së hënës dhe u tha autoriteteve që Jacobson kishte rënë nga mali pasi u përpoq të bënte një foto.

“Pala raportuese deklaroi se ai dhe shoku i tij ishin duke kampuar në majë të Flat Iron kur shoku i tij shkoi në buzë për të bërë një foto dhe rrëshqiti”, ka thënë Zyra e Sherifit të Qarkut Pinal në një deklaratë për Changing America.

Një ekip kërkimi dhe shpëtimi u dërgua në Flat Iron Trail dhe një helikopter i Departamentit të Sigurisë Publike të Arizonës ndihmoi në gjetjen e trupit të Jacobson afërsisht 400 deri në 700 metra më poshtë pjesës ku alpinistët po kamponin./GazetaSinjali/