Manchester United i ka ofruar 60 milionë euro Ajaxit për yllin e krahut Antony, por skuadra holandeze po reziston për një tarifë prej 80 milionë euro, ka kuptuar GOAL.
Djajtë e Kuq kanë qenë në bisedime për të nënshkruar me brazilianin, agjenti i të cilit ka qenë në Evropë që nga fundi i sezonit për të tentuar të finalizojë një marrëveshje.
Man Utd i është drejtuar Ajax-it për të diskutuar një tarifë transferimi për 22-vjeçarin, por kampionët e Holandës po bëjnë rezistencë pasi shpresojnë ta mbajnë atë për një sezon tjetër.
Lëvizja për Antony ka ngecur për shkak të kërkesave të Ajax.
Klubi i Amsterdamit po kërkon afër 80 milionë euro, por agjentët e Antony po i bëjnë presion që të pranojnë një ofertë më të ulët nga United.
Antony dëshiron të vazhdojë karrierën e tij me skuadrën e Premier League, por është i vetëdijshëm se negociatat janë të vështira.
Kontrata e Antony me Ajax është deri në vitin 2025 dhe trajneri i ri Alfred Schreuder shpreson që braziliani të mbetet.
Ai i tha ESPN së fundmi: “Është e qartë se ne duam ta mbajmë atë djalë. Mendoj se ai ka ende një kontratë deri në vitin 2025. Unë me të vërtetë dua të punoj me të; ai e di këtë, dhe klubi e di gjithashtu.”
Ish-sulmuesi i Sao Paulos iu bashkua skuadrës holandeze në vitin 2020 dhe ka bërë 78 paraqitje në të gjitha garat, duke shënuar 22 gola dhe duke bërë 19 asistime.
