Ukraina ka përditësuar listën e saj të gjerë të asistencës ushtarake shtesë nga qeveria amerikane në ditët e fundit për të përfshirë qindra raketa më shumë kundërajrore dhe antitank sesa kërkohej më parë.
Ukrainasit kanë paraqitur lista të ngjashme në javët e fundit, por një kërkesë e fundit e ofruar drejt ligjvënësve amerikanë duket se pasqyron një nevojë në rritje për raketa anti-ajrore Stinger të prodhimit amerikan dhe raketa antitank Javelin, me Ukrainën që thotë se i duhen urgjentisht 500 nga secila çdo ditë, shkruan CNN, transmeton Gazeta Sinjali.
Në të dyja rastet, Ukraina po kërkon qindra raketa më shumë sesa ishin përfshirë në një listë të ngjashme të ofruar së fundmi për ligjvënësit amerikanë.
Lista e re vjen pasi ukrainasit kanë pohuar se përballen me mungesa të mundshme të armëve në mes të një sulmi të vazhdueshëm rus, duke shkaktuar disa reagime nga zyrtarët e SHBA-së dhe NATO-s, të cilët theksojnë se më shumë ndihma ushtarake po shkojnë tashmë në vend.
Dy lloje avionësh të prodhuar nga Rusia janë renditur në dokument, duke përfshirë një të projektuar për të ofruar mbështetje të ngushtë ajrore për trupat në terren. Ukraina ka kërkuar 36 nga secili avion.
