UEFA i ka kushtuar një postim special skuadrës së Ballkanit, më konkretisht portierit të këtij klubi, Stivi Frashëri.
Gardiani i Ballkanit bëri një pritje deçizive në ndeshjen e parë të zhvilluar të fazës së grupeve ndaj Cluj në “Fadil Vokrri” javën e kaluar, ndeshje e cila u mbyll me rezultat 1-1, me mysafirët që barazuan rezultatin në minutat shtesë, shkruan Sinjali Sport.
Nga një sondazh i faqes zyrtare të Ligës së Konferencës, pritja e Stivi Frashërit u zgjodh si më e mira e votuar nga tifozët në Twitter.
E pas kësaj, faqja zyrtare e këtij kompeticioni e ka bërë një dedikim të veçantë për pritjen e tij ndaj Cluj.
“Pritje sensacionale nga Stivi Frashëri i Ballkanit”, ka shkruar faqja zyrtare e UEFA Conference League.
Sensational save from Ballkani's Stivi Frashëri ????#UECL pic.twitter.com/VNYZ4I4amj
— UEFA Europa Conference League (@europacnfleague) September 12, 2022
Ballkani ndeshjen e dytë të fazës grupore do ta zhvillojë të enjten, ndaj skuadrës së Slavia Pragës si mysafir.
