UEFA është pothuajse e sigurt që do të largojë finalen e Ligës së Kampionëve të këtij sezoni nga Shën Petersburg në mes të krizës Ukrainë-Rusi.
Rusia ka dërguar trupa në dy rajone të kontrolluara nga rebelët në Ukrainën lindore dhe ka frikë se një pushtim është planifikuar.
Disa vende, përfshirë Britaninë e Madhe, kanë vendosur sanksione kundër Rusisë në përgjigje të masës.
Dhe kësisoj, UEFA shihet se ka shumë pak gjasa të tentojë të organizojë lojën në Rusi.
Kryeministri i Mbretërisë së Bashkuar, Boris Johnson, duke folur të martën, tha se nuk kishte “shans për të mbajtur turne futbolli në një Rusi që pushton vendet sovrane”.
Sekretarja e Kulturës Nadine Dorries shtoi se ajo kishte “shqetësime serioze për ngjarjet sportive që do të mbahen në Rusi, siç është finalja e Ligës së Kampionëve, dhe do të diskutojë me organet përkatëse drejtuese”.
Ajo shtoi: “Ne nuk do të lejojmë presidentin Putin të shfrytëzojë ngjarjet në skenën botërore për të legjitimuar pushtimin e tij të paligjshëm të Ukrainës”.
Ndërkohë, ish-ministrja e sporteve në Mbretërinë e Bashkuar, Tracey Crouch i ka thënë BBC Sport se UEFA duhet ta zhvendosë finalen “menjëherë”.
UEFA është në bisedime me Dynamo Kyiv dhe Sporting Lisbonës për ndeshjen e tyre të 1/16 të Ligës së të Rinjve, e cila është planifikuar të luhet në kryeqytetin e Ukrainës më 2 mars.
