UEFA ka njoftuar se ka nominuar tre lojtarët dhe trajnerët për çmimin e më të mirit të sezonit 2021-22.
Tre futbollistët e nomnuar nga UEFA janë, Karim Benzema, Thibaut Courtois dhe Kevin De Bruyne.
Benzema konsiderohet favorit për këtë çmim pasi udhëhoqi klubin e tij në dopietën e trofeve, të La Ligas dhe Ligës së Kampionëve.
Ndërkohë Kevin De Bruyne arriti që të fitojë Premier Ligën me Manchester Cityn.
UEFA gjithashtu ka nominuar tre trajnerët më të mirë për sezonin 2021-22.
Carlo Ancelotti, Jurgen Klopp dhe Pep Guardiola janë të nominuarit për çmimin e më të mirit të sezonit.
Edhe këtu Ancelotti konsiderohet favorit për çmimin pas triumfit në Ligën e Kampionëve dhe La Liga.
Guardiola triumfoi me Cityn në Premier League, teksa Liverpooli fitoi titujt e Kupës FA dhe Kupës Carabao.
Shpërndarja e çmimeve do të bëhet më 25 gusht, në ceremoninë e hedhjes së shortit për grupe të Ligës së Kampionëve.
