Të premten në Lisbonë, UEFA do të diskutojë për heqjen e mundshme të rregullit të golave si mysafirë, i cili në ndeshjet e fazës nokaut i jep një avantazh ekipit që shënoi më shumë gola në udhëtim kur barazohet rezultati përfundimtar, përcjell Sinjali Sport.

Për heqjen e këtij rregulli u fol tashmë në prill të këtij viti, kur disa media italiane shkruan se UEFA po mendonte ta modifikonte atë. Përkatësisht, në atë kohë, ishte parashikuar që ky rregull do të mbetej i vlefshëm nëse rezultati barazohet pas 180 minutash lojë, ndërsa do të shfuqizohej në rast të kohës shtesë.

Sidoqoftë, informacioni i ri i siguruar nga “British Times” thotë se rregulli mund të shfuqizohet plotësisht pas 56 vjetësh zbatimi.

Nëse komiteti i UEFA pranon ndryshimin e propozuar të premten, një proces revolucionar i ndryshimit të rregullave të lojës së futbollit do të pasojë. /Gazeta Sinjali Sporti/