Dy persona kanë rënë dje në prangat e Policisë pasi dyshohet se kishin kërkuar nga një person 9000 euro, për një veturë të cilën ia kishin dhënë vitin e kaluar.
Rastin e ka raportuar në Polici viktima, i cili ka deklaruar se të dyshuarve që i kërkonin mijëra euro, ua kishte marrë në shfrytëzim një veturë në vitin 2021, e cila më pas ishte konfiskuar në Shqipëri.
Vetura ishte konfiskuar nga Policia e Shtetit në Shqipëri pasi dyshohej se ishte raportuar si e vjedhur.
Pas denoncimit të rastit, të dyshuarit janë kapur dhe me vendim të prokurorit u është caktuar masa e ndalimit prej 48 orësh.
Rasti ndaj tyre është iniciuar si “detyrim”.
