Këngëtarja e njohur shqiptare Altuna Sejdi – Tuna, e ka uruar në mënyrë të veçantë Arilena Arën për fitoren në edicionin e 58-të të Festivalit të Këngës.

Ajo këtë e ka bërë përmes një video të publikuar në rrjetin social Instagram, ku numëron mijëra ndjekës, transmeton Gazeta Sinjali.

“Urime çika jem. Plotesisht e merituar. Shume krenare“, ka shkruar ajo sipër videos së publikuar.

Përveç Tunës, Arilenën e uruan edhe shumë artistë të njohur shqiptarë, të cilët nuk kursyen fjalët më të mira për të.

Kujtojmë se mbrëmë Arilena Ara triumfoi në Festivalin e Këngës me këngën “Shaj”. Artistja me këtë projekt do ta përfaqësojë Shqipërinë në Eurovision./Gazeta Sinjali/