Tre persona u vranë dhe shtatë të tjerë u plagosën në sulmet e natës me dron rus në rajonin e Kievit, thanë zyrtarët ukrainas të mërkurën në mëngjes.
Administrata ushtarake rajonale e Kievit raportoi në kanalin e saj Telegram se një “objekt civil” ishte dëmtuar dhe se shpëtimtarët po punonin ende në vendngjarje.
Reuters raporton se ushtria ukrainase tha se kishte rrëzuar 16 nga 21 dronët Shahed të prodhuar nga Irani të lëshuar në Ukrainë gjatë natës nga Rusia.
Ambasadorja e SHBA në Ukrainë, Bridget A Brink, shkroi në Twitter si reagim ndaj sulmit:
“Pas gjithë bisedave në Moskë dje, më shumë raketa ruse dhe më shumë sulme me dronë ndaj civilëve gjatë natës e bëjnë të qartë se sa interes ka presidenti Putin për një paqe të drejtë ose një fund të luftës që ai filloi.”
