Në Klinikën Infektive në Qendrën Klinike Universitare të Kosovës, janë duke u trajtuar nëntë pacientë të infektuar me koronavirus, ndërsa një tjetër pritet të lirohet sot.

Lajmin për Gazetën Sinjali e ka bërë të ditur Infektologu Salih Ahmeti, i cili njoftoi se tre pacientë janë në gjendje të rëndë dhe me oksigjenoterapi.

“Për momentin janë duke u trajtuar 9 pacientë, tre prej tyre janë në gjendje të rëndë me oksigjenoterapi dhe përkujdesje intensive, ndërsa gjendja e pacientëve të tjerë është stabile. Kanë edhe sëmundje të tjera shoqëruese të ndryshme, por e kanë moshën e kanë sëmundje shoqëruese natyrisht janë ai grupi me faktorë të rrezikut, ne po bëjmë çdo gjë që edhe gjendja e tyre të stabilizohet”, tha ai.

Deri më tani në nivel vendi janë konfirmuar 1 mijë e 48 rasteve pozitive me COVID-19, 801 prej tyre janë shëruar, ndërsa 30 kanë vdekur./GazetaSinjali/