Portieri gjerman Kevin Trapp ka konfirmuar se ka refuzuar një lëvizje në Manchester United.
‘Djajtë e Kuq’ janë vënë në ndjekje të një portieri rezervist të David De Geas, pas huazimit të Dean Henderson te Nottingham Forest.
Anglezët kishin shënjestruar portierin e Frankfurt, Kevin Trapp, por gjermani e ka hedhur poshtë këtë lëvizje.
“Kam marrë një propozim me shkrim nga Manchester United – një top klub botëror. Dje informova përgjegjësit e të dy klubeve se kisha vendosur të qëndroja në Eintracht Frankfurt”, ka konfirmuar gjermani.
Man United tani i ka vënë syrin portierit të Newcastles, Martin Dubrawka, i cili mund të huazohet për një sezon tek gjiganti anglez.
