Qeveria e SHBA-së dha dritën jeshile për tranzicionin e Presidentit të zgjedhur, Joe Biden, duke e njohur atë si “presidentin e zgjedhur të dukshëm” në zgjedhjet e tre nëntorit, shkruan Gazeta Sinjali.

Administratorja e Shërbimeve të Përgjithshme të SH.B.A-së, Emily Murphy, dha shkas për të vazhduar përpara për Biden që të koordinohet me agjencitë federale përpara inaugurimit të 20 janarit, duke deklaruar në një letër për presidentin e zgjedhur se vendimi i saj erdhi pas “zhvillimeve të fundit që përfshijnë sfida ligjore dhe certifikime të rezultateve të zgjedhjeve”.

Presidenti i SHBA-së, Donald Trump, i cili për javë të tëra ka pohuar se ai fitoi zgjedhjet në SHBA, shkroi në Twitter se ai do të rekomandojë ekipin të bashkëpunojë me tranzicionin.

“Unë jam duke rekomanduar që Emily dhe ekipi i saj të bëjnë atë që duhet bërë në lidhje me protokollet fillestare dhe i kam thënë ekipit tim të bëjnë të njëjtën gjë”, shkroi Trump në Twitter.

Ai vazhdon të refuzojë të pranojë zgjedhjet, megjithatë, duke deklaruar se ekipi i tij “po lëviz me shpejtësi të plotë përpara” dhe “kurrë nuk do ta pranojë”.

Një numër në rritje i republikanëve gjithashtu kishin pranuar fitoren e Biden pasi heshtën ndaj pretendimeve të Trumpit për mashtrim. /Gazeta Sinjali/