Trafiku Urban në Prishtinë ka bërë të ditur se derisa është në fuqi vendimi për mbajtjen e distancës, nuk mund të lejojnë më tepër se 25 udhëtarë, shkruan Gazeta Sinjali.

Përmes një njoftimi të publikuar në faqen e tyre zyrtare në Facebook, ata kanë kërkuar mirëkuptimin e udhëtarëve për këtë çështje.

“Me fillimin e vitit shkollor, do të rriten shumë më tepër kërkesat për udhëtim, andaj për këtë arsye e kërkojmë mirëkuptim e qytetarëve se duke u bazuar në vendimin e Qeverisë dhe kapacitetin e brendshëm të autobusit, nuk mund të lejohen më tepër se 25 udhëtarë”, thuhet në njoftimin e trafikut urban. /Gazeta Sinjali/