image Aeroporti i Kukësit/ Udhëtarët nga Kosova: Është më lirë sesa në Prishtinë

Shqipëri

Aeroporti i Kukësit/ Udhëtarët nga Kosova: Është më lirë sesa në Prishtinë

news image

Fluksi i udhëtarëve në aeroportin e Kukësit është rritur gjatë sezonit të verës. Pjesa më e madhe janë emigrantë nga Kosova, të cilët shprehen të kënaqur me çmimet dhe procedurat në aeroportin e ri.

Është rritur numri i fluturimeve në Aeroportin e Kukësit, ku vihet re fluksi i udhëtarëve, kryesisht emigrantë nga Kosova që shfrytëzojnë këtë trafik ajror për të kaluar pushimet në vendin e tyre.

“Kemi zgjedh Kukësin se jemi këtu afër në Prizren. Është më lehtë për ne! Çmimet e biletave janë më lirë se në aeroportin e Prishtinës dhe Tiranës, edhe procedurat të thjeshta. Vij nga Prizreni dhe po iki në Mynih, jemi të kënaqur”, tha udhëtari

Nga muaji prill e deri në qershor nga aeroporti i Kukësit numërohen 40 fluturime me Gjermaninë, Zvicrën dhe Austrinë. Ndërsa numri i pasagjerëve gjatë këtyre dy muajve është 2 mijë 728, ku 2 mijë 232 janë shtetas të huaj, raporton reportTV.

Po kështu gjatë sezonit të verës fluks ka dhe në doganën e Morinës. Të shumtë janë shqiptarët e Kosovës që vijnë për pushime në Shqipëri. Gjatë 24 orëve të fundit kanë hyrë në Shqipëri 24 mijë udhëtarë, ndërsa autoritetet doganore po zbatojnë procedurën e përshpejtuar të kalimit në kufi.

/GazetaSinjali/