image TikTok aplikacioni më i shkarkuar - Sinjali

TikTok aplikacioni më i shkarkuar

news image

TikTok është shpallur aplikacioni më i shkarkuar në 2020, sipas të dhënave të kompanisë që merret me analiza digjitale, App Annie.

Platforma kineze e shpërndarjes së video-materialeve, është aplikacioni i vetëm që nuk është në pronësi të gjigantit Facebook, por që gjendet në listën e pesë aplikacioneve më të shkarkuara.

Edhe në Kinë, kompania pronare e TikTok-ut, ByteDance, e mban primatin me aplikacionin për gjuhë, Douyin.

Popullariteti i TikTok-ut është zgjeruar edhe pasi ish-presidenti amerikan, Donald Trump pati tentuar ta ndalonte atë në SHBA.

Aplikacionet nën pronësi të Facebook-ut kanë mbajtur pozitat e para prej kur ka nisur të realizohet sondazhi më 2018, dhe ende dominojnë listën.

Kompania gjigante e Mark Zuckerbergut, Facebook, është renditur bashkë me platformat tjera, si WhatsApp, Instagram dhe Facebook Messenger, raporton REL, përcjell Gazeta Sinjali.

Vitin e kaluar, ish-presidenti Trump pati nënshkruar urdhër ekzekutiv për të ndaluar shkarkimet e reja të TikTok-ut në SHBA.

Mirëpo presidenti aktual amerikan, Joe Biden, ka pezulluar urdhrin e paraardhësit të tij. /GazetaSinjali/


Shpërndaje artikullin