Kryetari i Sindikatës Britanike të Hekurudhave, Steve Hedley, është shkarkuar nga detyra menjëherë pasi u shpreh në rrjetin social Facebook se do bënte festë nëse kryeministri britanik, Boris Johnson do vdiste nga koronavirusi.

Hedley i komentoi një mikut të tij në Facebook: “Nuk dua të të ofendoj por nëse Bojo (Boris Johnson) kthen këmbët nga dielli, do bëj festë”.

Tutje shtoi:

 “Mos hezito të më bësh bllok dhe shpresoj që i gjithë kabineti i bastardëve konservatorë të sëmuren, për atë që ata i kanë bërë të varfërve dhe të dobtëve”, vazhdoi ai.

Një person tjetër i ka komentuar dhe i ka thënë se edhe Boris Johnson është një qënie njerëzore si gjithë të tjerët, por ai i kundërpërgjigjet:

“Hitleri, Mussolini e Franco, edhe ata ishin qenie njerëzore, të njëjtin argument do të përdorësh edhe për ata?”

Hedley reagoi përsëri përmes një postimi në Facebook, ku shprehet se i qëndron çdo fjale që ka thënë, por Presidentja e RMT, Michelle Rodgers dhe sekretari i përgjithshëm Mick Cash, thanë që këto komente ishin plotësisht të papranueshme dhe detyrimisht Hedley u pezullua nga puna, teksa një hetim zyrtar do zhvillohet për sjelljen e tij./GazetaSinjali/