Dy persona janë arrestuar në Kaçanik pasi që dyshohet se sot rreth orës 11:30 kanë gjuajtur me armë zjarri afër lumit Lepenc, shkruan Gazeta Sinjali.

Në komunikatën e Policisë së Ferizajt, thuhet se dy të arrestuarit janë intervistuar dhe janë liruar, kurse me vendim të Prokurorisë Themelore në Ferizaj, rasti shkon në procedurë të rregullt.

“Të dyshuarit pasi janë intervistuar nga policia në stacionin policor në Kaçanik, me urdhër të Prokurorit të Prokurorisë Themelore në Ferizaj, ndaj tyre inicohet procedurë e rregullt (armëmbajtje pa leje dhe përdorim i armës së zjarrit) dhe të dyshuarit lirohen”, thuhet ndër të tjera në njoftimin e Policisë.

Po ashtu, bëhet e ditur se arma me të cilën dyshohet se është gjuajtur është konfiskuar nga Policia./Gazeta Sinjali/