image Nipi kapet me axhën në Hajvali, gjuan me armë zjarri dhe ikë

Siguri

Nipi kapet me axhën në Hajvali, gjuan me armë zjarri dhe ikë

news image

Gjuajtjet me armë zjarri janë bërë të shpeshta në vendin tonë, duke cenuar kështu sigurinë e qytetarëve të cilët ka rast kur mund t’u rrezikohet jeta si pasojë e plumbave qorr, raporton Gazeta Sinjali.

Një zënkë familjare që ka ndodhur dje mes axhës e nipit në Hajvali të Prishtinës ka bërë që ky i fundit të përdorë armën e zjarrit.

Burimet e Gazetës Sinjali kanë bërë me dije se i dyshuari pasi është fjalosur me axhën e tij, ka dalë nga oborri dhe ka shtënë disa herë me armë zjarri.

Menjëherë pas kryerjes së veprës, i dyshuari është larguar në drejtim të panjohur, teksa viktima ka denoncuar rastin në Polici.

Në vendin e ngjarjes kanë dalë njësitë policore, të cilët kanë kryer ekzaminimet e nevojshme që ndihmojnë në zbardhjen e rrethanave se si ka ndodhur ngjarja.

Ndërsa me urdhër të prokurorit, rasti është iniciuar ‘Mbajtje në pronësi, kontroll ose posedim i paautorizuar i armëve’ dhe ‘Përdorim i armës’.

/GazetaSinjali/