Një skaf me rreth 30 pasagjerë u përmbys pasi goditi një anije ngarkese në një lumë të Bangladeshit të hënën, duke lënë të paktën 26 persona të vdekur, ka thënë një zyrtar.

Skafi po transportonte pasagjerë që bie ndesh me rregullat e Qeverisë për kufizim mbarëkombëtar për shkak të COVID-19, ka thënë Rahima Khatun, një zyrtar i lartë i qeverisë në zonë.

Ajo u përmbys të hënën në mëngjes në lumin Padma në Bangladeshin qendror ndërsa po drejtohej për në rrethin Madaripur nga rrethi Munshiganj.

Zhytësit nga agjenci të ndryshme dhe njerëzit lokalë nxorën 26 trupa nga ujërat dhe po kërkonin për disa të tjerë ende të zhdukur.

Aksidente të tilla lumenjsh janë të zakonshme në Bangladesh, një vend i kryqëzuar nga rreth 130 lumenj, për shkak të rregullave të buta.

Bangladeshi është nën një bllokim deri të mërkurën për të frenuar përhapjen e virusit mes një numri në rritje të infeksioneve. /Gazeta Sinjali/