Një pronar i një spitali në Bangladesh i akuzuar për lëshimin e mijëra rezultateve të rreme për teste të koronavirusit u arrestua të mërkurën ndërsa po përpiqej të ikte në Indi ka raportuar policia.

Arrestimi shënoi fundin e një manovrimi nëntëditor për Mohammad Shahed për akuzat e lëshimit të certifikatave të rreme për pacientët duke thënë se ata s’ishin infektuar pa ia bërë testin realisht.

Shahed, 42 vjeç, ishte njëri nga shumë mashtruesit që u arrestuan nga autoritetet gjatë ditëve të kaluara.

Ekspertët paralajmërojnë se dokumentet e rreme kanë përkeqësuar situatën tashmë të rëndë në vend të 168 milionë njerëzve duke hedhur dyshime për vërtetësinë e certifikatave të lëshuara nga klinikat.

“Ai u arrestua në brigjet e një lumi kufitar ndërsa po përpiqej të ikte në Indi. Ai ishte i veshur me një burka”, i tha agjencisë së lajmeve AFP një zëdhënës. /GazetaSinjali/