Të paktën 12 njerëz kanë vdekur në një shpërthim të madh gazi në Kinën qendrore të Dielën, raportojnë mediat vendore, përcjell Gazeta Sinjali.

Sipas autoriteteve shpërthimi ka ndodhur në orë 6:30 të mëngjesit në qytetin Shiyan, provincën Hubei, transmeton CNN.

Autoritetet tashmë kanë shpëtuar gati 140 njerëz nga zona, përfshirë 37 me plagë të rënda.

Si pasojë e shpërthimit dritaret e ndërtesave pranë vendit u shkatërruan. Kurse zyra komunale e qytetit informoi se shumë njerëz kishin mbetur të ‘bllokuar’ pas incidentit.

Shkaqet e aksidentit ende nuk dihen, ndërkohë që kanë filluar hetimet për ta zbuluar arsyen. /Gazeta Sinjali/