10 tanket e para Leopard 1 të dhuruara nga Danimarka, Gjermania dhe Holanda kanë mbërritur në Ukrainë dhe të tjerë janë në rrugën e tyre, thanë të premten forcat e armatosura të Danimarkës.
Të tre vendet njoftuan në shkurt se do të dhuronin 100 tanke të prodhimit gjerman në “muajt e ardhshëm”.
“10 tanket e para janë dërguar në Ukrainë. Dhe më shumë janë në rrugë e sipër,” tha forcat e armatosura daneze në një deklaratë.
“Janë dorëzuar edhe 10 tanke të tjera nga fabrika.”
Trupat daneze në Gjermani po trajnojnë forcat ukrainase për të përdorur automjetet, shtoi ushtria, sipas AFP.
“Nuk kam asnjë dyshim se do t’i ndihmojë ata të fitojnë betejën e mbrojtjes që po luftojnë tani,” tha komandanti i ushtrisë Gunner Arpe Nielsen në deklaratë.
Leopard 1 dikur ishte tanku kryesor i betejës i forcave të armatosura të Gjermanisë Perëndimore, duke u përdorur për herë të parë në 1965, por që atëherë është zëvendësuar nga modeli Leopard 2.
