Një oficer policie shumë i dekoruar në Nigeri është arrestuar pas akuzave se i përket një karteli ndërkombëtar të drogës. Abba Kyari, tashmë i suspenduar, dyshohet se ka ndihmuar mashtruesin Hushpuppi për të pastruar paratë e tij në SHBA që tani akuzohet për një komplot kokaine. Zyrtarët thonë se Kyari i kërkoi një kolegu ta ndihmonte të hiqte një pjesë të sasisë së kokainës.
Ata thonë se ai u kap në kamera duke dorëzuar 61,400 dollarë. Ai ende nuk ka komentuar mbi akuzat raporton BBC.
Arrestimi i Kyari erdhi disa orë pasi Agjencia Kombëtare e Zbatimit të Ligjit për Drogën e Nigerisë e shpalli atë një person në kërkim, duke e akuzuar si “anëtar i një karteli droge që operon tubacionin e drogës Brazil-Etiopi-Nigeri”.
Ai u arrestua të hënën së bashku me katër oficerë e tjerë Sunday Ubuah, Bawa James, Simon Agrigba dhe John Nuhu, pas një hetimi “diskret të nivelit të lartë”, tha një deklaratë e policisë.
Kyari, 46 vjeç, dikur kishte një reputacion si një “super polic” që hetonte çështje të mëdha kriminale. Ai mori një medalje presidenciale të guximit nga presidenti Buhari në vitin 2016 pasi ekipi i tij shpëtoi tre nxënëse të rrëmbyera në Lagos.
Ai u nderua gjithashtu nga qeveria e shtetit të Lagos, duke fituar çmimin për trimëri për tri vite radhazi midis viteve 2011 dhe 2013.
