Shqetësimeve të qytetarëve në Prishtinë për rrezikun nga ngacmimi i qenve endacak siç duket po iu vjen fundi, raporton Gazeta Sinjali.
Kjo për faktin se kryetari i Prishtinës, Perparim Rama ka vendosur tashmë për ndërtimin e një strehimoreje për ta.
Komuna e Prishtinës ka hapur tenderin për ndërtimin e strehimores për qentë endacak në Prishtinë.
Sipas njoftimit, tenderi është hapur dje. Për ndërtimin e kësaj strehimore, Komuna e Prishtinës ka ndarë 249 mijë euro.
Afati i fundit për pranimin e tenderëve është 27 qershor 2022.
Në bazë të njoftimit, komuna ka arritur të marrë edhe lejen e ndërtimit nga Ministria e Mjedisit dhe Planifikimit Hapësinor.
