Sulmuesi kosovar, Mirlind Daku është dekretuar për dhënie të pasaportës të shtetësisë shqiptare nga presidenti i Shqipërisë, Bajram Begaj.
Ky lajm është bërë i ditur nga Endrit Haxhiu, i cili ka publikuar në “Twitter” vendimin për pajisjen me pasaportë shqiptare të sulmuesit Daku.
“Siç paralajmërova #Dhjetorin e kaluar, po ndodh, #MirlindDaku, i cili u vu në shënjestër nga Federata Shqiptare për ta ftuar të përfaqësonte #Shqipërinë, ka marrë nënshtetësinë #shqiptare”, ka shkruar ai.
As I warned last #December, it is happening, #MirlindDaku, who was targeted by the @FSHForg to invite him to represent #Albania, has received #Albanian citizenship. https://t.co/pyigAYnP3k pic.twitter.com/fzxY3dZIMO
— Endrit R. Haxhiu (@EndritRH) June 23, 2023
Sulmuesi shtatëlartë u neglizhua tërësisht nga ish-selektori, Alan Giresse duke mos e ftuar për ndeshjet e qershorit.
Jo shumë kohë më parë, Daku veçse kishte potencuar se nëse do t’i jepet mundësia për të luajtur për Shqipërinë, do ta bënte këtë më gjithë zemër.
Marrja e nënshtetësisë shqiptare nënkupton se Daku përfundimisht mund të vendosë ta zgjedhë kombëtaren e Shqipërisë përpara asaj të Kosovës.
