image Stoltenberg: Putin nuk po do paqe, po planifikon për më shumë luftë në Ukrainë

Botë

Stoltenberg: Putin nuk po do paqe, po planifikon për më shumë luftë në Ukrainë

news image

Askush nuk e di se si do të përfundojë lufta në Ukrainë, por “nuk ka asnjë shenjë” se presidenti rus Vladimir Putin “ka ndryshuar ambiciet e tij” ndërsa pushtimi i afrohet shenjës njëvjeçare këtë javë, tha Sekretari i Përgjithshëm i NATO-s, Jens Stoltenberg.

“Ne shohim të kundërtën. Ai nuk po planifikon paqen. Ai po planifikon për më shumë luftë”, tha ai për CNN në Konferencën e Sigurisë në Mynih, shkruan CNN.

“Ata tashmë po nisin operacione sulmuese”, tha shefi i NATO-s, duke treguar për luftimet në Ukrainën lindore, veçanërisht në qytetin e Bakhmut.

“Nëse kjo është ofensiva e madhe pranverore apo nëse është thjesht një lloj preludi për këtë, është pak e vështirë të thuhet. Por ata po dërgojnë gjithnjë e më shumë trupa dhe gjithnjë e më shumë armë”, shtoi ai.

Stoltenberg tha se Rusia po përpiqet të kompensojë pajisjet dhe logjistikën e dobët me më shumë trupa, diçka që ai e përshkroi si “hedhja e valëve të njerëzve në linjat mbrojtëse”, një lloj luftimi që nuk është parë që nga Lufta e Parë Botërore.

“Nëse nuk ju intereson aq shumë për jetët njerëzore, atëherë thjesht dërgoni gjithnjë e më shumë”, tha ai.

Stoltenberg tha se ndërsa është e paqartë se si do të përfundojë konflikti, ajo për të cilën ai është i sigurt është rëndësia e mbështetjes ushtarake perëndimore për Ukrainën.

“Nëse doni që Ukraina të mbizotërojë si një komb sovran dhe nëse doni një zgjidhje paqësore të negociuar nesër, atëherë duhet të ofroni mbështetje ushtarake sot”, potencoi Stoltenberg.

/GazetaSinjali/