Sot do të zhvillohet ndeshja e dytë e gjysmëfinales së parë të “Play-Off” në basketboll, mes Yllit dhe Pejës.
Në ndeshjen e parë të zhvilluar në “Karagaçi” të mërkurën, Peja triumfoi me rezultat 85-82.
Ndeshja e dytë zhvillohet sot në Suharekë, në palestrën “13 qershori”.
Golden Eagle Ylli kërkon sonte fitoren e parë dhe barazimin e serisë, ndërkohë pejanët do të tentojnë që të rrisin avantazhin e serisë në 2-0, për t’iu afruar finales.
Kujtojmë që skuadra e cila arrin tre fitore, kualifikohet për në finale, ndërkohë që sistemi i ndeshjeve është 1-1-1-1-1, pra një në shtëpi, një mysafir.
Ndeshja fillon nga ora 20:30 dhe shfaqet në platformën e Art Motion dhe Kujtesa.
Gjysmëfinalja e dytë është ajo mes Trepçës dhe Sigal Prishtinës, e cila zhvillohet nesër.
Në ndeshjen e parë në Prishtinë, kryeqytetasit triumfuan me rezultat 82-70.
