Sot do të zhvillohet dueli i dy skuadrave humbëse në gjysmëfinale të Botërorit të Katarit, që do të luajnë për një vend të tretë.
Kroacia dhe Maroku luajnë sot me fillim nga ora 16:00.
Kroatët u mposhtën nga Argjentina me rezultat të thellë 3-0, kurse marokenët u mposhtën minimalisht 1-0 nga Franca.
Kroacia arriti suksesshëm në gjysmëfinale për dy edicione radhazi, pas asaj nga 2018 ku e preki edhe finalen, megjithatë ndryshe prej edicionit paraprak, këtë herë nuk arriti të kalojë në finale.
Maroku në anën tjetër ishte befasia e këtij kampionati, duke u bërë skuadra e parë afrikane që arrin në një gjysmëfinale të Kupës së Botës.
