Komisioni Qendror Zgjedhor (KQZ) ka njoftuar se nga sot fillon votimi i diasporës për raundin e dytë të zgjedhjeve lokale, që do të mbahen më 14 nëntor, shkruan Gazeta Sinjali.

Votuesit nga diaspora kanë në dispozicion 15 ditë për të votuar, thuhet tutje në njoftimin e KQZ-së.

“Për votuesit e regjistruar suksesshëm nga jashtë Kosovës, gjatë periudhës 10 korrik – 18 gusht, KQZ-ja ka vendosur 15 ditë në dispozicion të tyre për të votuar përmes postës. Ky votim fillon më 29 tetor”.

“Deri para kësaj date KQZ-ja planifikon të miratojë dizajnin dhe përmbajtjen e fletëvotimeve, për ta bërë të mundur fillimin e votimit jashtë vendit. Fletëvotimet duhet të pranohen nga KQZ-ja më së largu deri më 12 nëntor”, thuhet tutje në njoftimin e KQZ-së./GazetaSinjali/