Sonte me fillim nga ora 20:00 do të shfaqet ‘live’ në rrjetin social Facebook, komedia “I ligu për mend”.
Kjo është bërë e ditur përmes një njoftimi nga Teatri Kombëtar i Kosovës, shkruan Gazeta Sinjali.
“Sonte, në ora 20:00 në formatin Livestream në faqën tonë të Facebook-ut për ju e sjellim super komedinë: “I LIGU PËR MEND” , nga Gjergj Fishta, me regji të Altin Bashës”, thuhet ndër të tjera në njoftimin e teatrit.
Në këtë shfaqje luajnë aktorët: Luan Jaha, Ernest Malazogu, Adrian Morina, Armend Baloku, Ard Islami, Shkelzen Veseli, Ismet Azemi, Basri Lushtaku, Shengyl Ismaili dhe Gramoz Malaj.
Teksa kanë shtuar se ‘ Teatri ka ekzistuar para nesh dhe do të ekzistoj përjetësisht!”./Gazeta Sinjali/
