image Skandaloze: Prokuroria liron zyrtarin policor që keqtrajtoi 18 vjeçarin - Sinjali

COVID-19

Të infektuar

68.351

Të shëruar

59.438

Të vdekur

1.592

Skandaloze: Prokuroria liron zyrtarin policor që keqtrajtoi 18 vjeçarin

news image

Haris Kelmendi, pjesëtar i Njësisë së Reagimit të Shpejtë në stacionin policor “Qendra” në Prishtinë, është liruar në procedurë të rregullt nga prokurori Eset Rama, pasi u arrestua për keqtrajtim gjatë detyrës zyrtare, shkruan Gazeta Sinjali.

Ndonëse është hera e dytë që i njëjti arrestohet për keqtrajtim gjatë detyrës zyrtare, e në këtë rast brenda stacionit policor, siç duket kjo nuk i ka bërë përshtypje prokurorit Rama, ku pa kaluar ende 24 orë nga arrestimi, ka liruar të dyshuarin në procedurë  të rregullt.

Burimet e Sinjalit brenda Policisë, të cilët edhe e dërguan video-incizimin janë shokuar se si një prokuror ka mundur ta arsyetojë lirimin e Haris Kelmendit kaq shpejtë përderisa qytetarët e rëndomtë, për një veprim të tillë do të mbaheshin në paraburgim me muaj.

Kujtojmë se për rastet më të lehta, prokurorët mbajnë së paku 48 orë të dyshuarit për vepra të ndryshme penale.

Sinjali pak më parë publikoi pamjet ekskluzive të keqtrajtimit të 18 vjeçarit nga Haris Kelmendi, video-incizim ky që ishte shpërndarë nga Kelmendi te dhjetëra zyrtarë policorë, në mesin e tyre një rreshter dhe një toger, mirëpo asnjëri nga këta, asnjëherë, nuk kishte reaguar e as denoncuar krimin e kolegëve të tij.

Krimi i Haris Kelmendit jo vetëm që nuk u parandalua, por viktima u shndërrua në objekt talljeje dhe argëtimi edhe për zyrtarët tjerë policorë që e filmuan goditjen.

/GazetaSinjali/


Shpërndaje artikullin