image Pacolli e quan skandaloze videon e VV-së: Shkatërrues jeni ju, unë kam bërë shumë për Kosovën
[wp-story id="814678"]

Politikë

Pacolli e quan skandaloze videon e VV-së: Shkatërrues jeni ju, unë kam bërë shumë për Kosovën

news image

Kryetari i Aleancës Kosova e Re, Behgjet Pacolli, ka reaguar ashpër për videon e publikuar nga Lëvizja Vetëvendosje dje, ku sulmohen të gjitha partitë që kanë qenë në pushtet ndër vite.

Pacolli i është kundërpërgjigjur kësaj video, ku vet ai është përfshirë, me gjërat që sipas tij, ai ka bërë për Kosovën.

Ai thotë se e ka nënshkruar pavarësinë e Kosovës, i ka sjell mbi 40 njohje, kam ndërtuar universitete, shkolla dhe kam ndihmuar njerëzit në nevojë, duke ju drejtuar LVV-së, se çka kanë bërë këta për Kosovën.

Postimi i plotë:

E shoh veten në një video skandaloze të publikuar nga partia më e madhe e Kosovës, partia që sot qeverisë Kosovën tonë. Në atë video jam quajtur shkatërruesi. Jo, zotërinj, shkatërruesit jeni ju që vetëm konsumoni paranë e taksapaguesve e në këtë rast edhe paratë e mia. Më tregoni çka keni bërë Ju për Kosovën?

– Unë kam nënshkruar pavarësinë e Kosovës, ju jo.

– Unë kam promovuar vendin në tërë botën, i kam sjellur mbi 40 njohje, e ju, asnjë …

– Unë kam krijuar ekzistencë financiare për mbi 60.000 qytetarë të Kosovës që nga koha nga kur ju ende nuk keni ekzistuar.

– Unë kam ndihmuar e ndihmoj njerëzit në nevojë të Kosovës me dhjetra miliona euro e ju vetëm i shfrytëzoni ata njerëz.

– Unë kam ndërtuar dhe dhuruar universitete, shkolla, ndërtesa e shumëçka, e ju asgjë.

– Kam rindërtuar me shije, hapësirat në ndërtesat ku ju edhe sot punoni (Parlamentin, presidencën, ministrinë e punëve të jashtme e shumëçka, e ju jo që nuk i keni ndërtuar apo mirëmbajtur, por jeni përpjekur edhe ti shkatërroni.

– Sot shëroj me dhjetëra pacientë jashtë vendit dhe i financoj me dhjetëra studentë jashtë vendit e ju asnjë.

Është turp për ju! Këto dy vite Kosova po degradohet në çdo aspekt, infrastruktura, ambienti e çdo gjë tjetër që ka nevojë për dorën e njeriut të cilën ju nuk jeni në gjendje të jepni. Deri tani vetëm keni sharë e fyer e nëse vazhdoni kështu nuk di si do të duket Kosova…

Unë shpresova dhe besova se ju do të punoni për Kosovën dhe unë ju votova, sepse mendova se e meritoni votën time. Nuk gjej fjalë se sa poshtë mund të shkosh. Sinqerisht nuk kisha në plan të reagoja, por kjo nuk është hera e parë që luani me personalitetin tim. Drejtoni vendin si duhet ose largohuni!

/GazetaSinjali/