image S'ka rehati për tifozët e Man Utd: Pasi dështoi Arnautovic, Unitedit i ofrohet shansi për të nënshkruar me Moratan - Sinjali

S’ka rehati për tifozët e Man Utd: Pasi dështoi Arnautovic, Unitedit i ofrohet shansi për të nënshkruar me Moratan

news image

Manchester Unitedit i është ofruar ish-sulmuesi i Chelseat, Alvaro Morata, pasi u tërhoq nga një marrëveshje për ish-sulmuesin e West Ham, Marko Arnautovic për shkak të reagimit të tifozëve, sipas raportimeve.

Arnautovic u rreshtua si një opsion i mundshëm afatshkurtër pasi klubi humbi mundësinë për Benjamin Sesko të lidhur me Red Bull Leipzig. Por tifozët janë ankuar për lëvzijen e mundshme të austriakit, madje disa i kanë dërguar email stafit të klubit në përpjekje për të treguar pakënaqësinë e tyre.

Raportet të martën pohojnë se United tani është tërhequr nga një marrëveshje për Arnautovic, i cili shënoi 14 gola për Bologna sezonin e kaluar. Sulmuesi i Atletico Madridit, Morata, që atëherë i është ofruar gjigantëve anglezë.

Kjo është sipas ESPN, të cilët raportojnë se United po kërkojnë diku tjetër pasi kanë hequr dorë nga ndjekja e Arnautovic.

Arnautovic u dënua për një ndeshje në Euro 2020 për gjoja përdorimin e një sharje fyese ndaj Ezgjan Alioskit, një lojtar i Maqedonisë së Veriut me origjinë shqiptare.

/GazetaSinjaliSport/


Shpërndaje artikullin

Etiketat kryesore: