Kryetari i komunës së Suharekës, Bali Muharremaj, ka njoftuar se situata me zjarre në këtë komunë po vazhdon të mbetet e rëndë, shkruan Gazeta Sinjali.
Muharremaj ka bërë me dije se janë djegur disa shtëpi si pasojë e përplasjes së telave të rrymës në fshatrat Mushtisht Sallagrazhdë, Gjinoc, e në shumë pjesë tjera.
“Edhe pse sot në mesditë nuk kemi pasur raste të zjarreve, era e fortë ka shkaktuar përplasje të telave të rrymës dhe si rezultat i kësaj situate janë djegur disa shtëpi, si në Mushtisht Sallagrazhdë, Gjinoc, e në shumë pjesë tjera”, la shkruar ai në Facebook.
Postimi i plotë
Situata ende vazhdon të mbetet kritike nga zjarret.
Edhe pse sot në mesditë nuk kemi pasur raste të zjarreve, era e fortë ka shkaktuar përplasje të telave të rrymës dhe si rezultat i kësaj situate janë djegur disa shtëpi, si në Mushtisht Sallagrazhdë, Gjinoc, e në shumë pjesë tjera.
Të gjitha ekipet janë në teren me të gjitha kapacitet vepruese.
Duhet të jemi në mobilizim e sipër, ngase temperatura e lartë po shkakton zjarre në disa dimenzione, mirëpo unë shpresoj dhe besoj që edhe në fshatra po mobilizoheni në grupe vullnetare që të mbetemi vigjilent përballë kësaj situate.
Bali Muharremaj
