Një sinjalizues i Gazetës Sinjali e ka fotografuar veturën zyrtare të Kuvendit Komunal të Gjakovës, të parkuar në trotuarin e një objekti banesor në rrugën “Bujar Roka” në Gjakovë.
Sipas sinjalizuesit, në afërsi të këtij objekti ndodhet një restorant, i cili frekuentohet nga zyrtarët në fjalë.
Megjithatë, në fotografi shihet se në pjesën ku është parkuar kjo veturë zyrtare, ndodhet edhe një tjetër automjet i parkuar.
Kujtojmë se sinjalizuesit e Gazetës Sinjali raportuan edhe para disa ditësh sesi inspektorët komunalë të kësaj komune e kanë parkuar veturën midis trotuarit, kështu duke detyruar këmbësorët që të ecin në rrugë.
