Shqipëria renditet ndër vendet që ka një numër të ulët të vetëvrasjeve në krahasim me shtetet e tjera të Evropës.
Në vitin 2017, Shqipëria kishte 7.5 vetëvrasje për 100 mijë banorë, duke u renditur ndër 10 vendet që e kanë numrin më të ulët dhe në krahasim me 11 vdekje nga vetëvrasjet për 100 mijë banorë që është mesatarja e Bashkimit Evropian.
Ndëkaq Serbia e ka nivelin e vetëvrasjeve në raport me popullësisë gati dy herë më të lartë se Shqipëria (14.3).
Në Shqipëri, periudha kur është shënuar niveli më i lartë i vetëvrasjeve ishte në 2014, me 262 të tilla.
Të dhënat për vendet evropiane janë publikuar nga Eurostat, ndërsa shifra e vetëvrasjeve jepet nga INSTAT dhe është përpunuar nga Monitor në raport me popullsinë.
