Një ushtar ukrainas i cili i tha një luftanijeje ruse “shko q** veten” teksa mbronte një ishull është shpërblyer për shërbimet e tij, thanë autoritetet lokale.
Roman Hrybov, një roje kufitare ukrainase, po shërbente në ishullin e gjarpërinjve, i njohur si ishulli Zmiinyi në gjuhën ukrainase, kur u vu nën bombardimet ajrore dhe detare ruse më 24 shkurt.
Raportet fillestare thanë se 13 roje kufitare kishin vdekur pasi refuzuan të dorëzonin ishullin. Kur u kërkua të linin armët, ushtarët thuhet se iu përgjigjën një oficeri në bordin e anijes ruse me një sfidë: “Anije luftarake ruse, shko q** veten“. Më vonë doli se ushtarët kishin shpëtuar.
Fraza u bë një thirrje motivuese për mbrojtësit e Ukrainës dhe u përkujtua në një pullë postare nga shërbimi postar ukrainas.
Ministria e Mbrojtjes e Ukrainës tha se Hrybov u lirua nga robëria ruse dhe tani është në shtëpinë e tij në Cherkasy.
