Transparenca nga institucionet që udhëheqin me paranë publike, jo gjithmonë është në nivelin e duhur. Shumë herë është raportuar në media se kryetarët e komunave abuzojnë me paranë publike kështu duke e shpenzuar kryesisht në dreka e darka zyrtare. Andaj, kjo ndikon që në raste të shpeshta, transparenca të mos jetë nivel, shkruan Gazeta Sinjali.
Së fundi, Gazeta Sinjali ka gjurmuar shpenzimet e kryetarit të Komunës së Prizrenit, Shaqir Totaj.
Totaj i cili vjen nga radhët e Partisë Demokratike të Kosovës, po del të jetë transparent, pasi të gjitha të hyrat dhe shpenzimet janë të publikuara në web-faqen e komunës.
Ani pse në të dhënat e publikuara në web-faqe ka qasje secili, megjithatë jo çdo shpenzim është i arsyetuar në detaje.
Sipas raportit për muajt janar-shtator të këtij viti, Totaj nuk ka realizuar asnjë vizitë jashtë vendit.
Mirëpo, sipas raportit janë shpenzuar 6 mijë e 376 euro për akomodim, ani pse nuk është bërë e ditur se kush është akomoduar.
E sa i përket drekave zyrtare, zyra e kryetarit ka shpenzuar në total 8 mijë e 688 euro e 60 cent.
Ndryshe, Totaj kishte fituar besimin e 27 mijë e 17 (51,01%) të qytetarëve në raudnin e dytë të zgjedhjeve të cilat janë mbajtur më 14 nëntor 2021.
Totaj, kishte mposhtur ish-kryetarin e Prizrenit, Mytaher Haskuka I cili vinte nga Lëvizja Vetëvendosje.
