image Jep dorëheqje deputetja franceze që u kap duke shpenzuar 2 mijë euro në muaj për të brendshme mëndafshi
[wp-story id="814678"]

Evropë

Jep dorëheqje deputetja franceze që u kap duke shpenzuar 2 mijë euro në muaj për të brendshme mëndafshi

news image

Deputetja e partisë franceze në pushtet, e cila shpenzonte mbi 2 mijë euro në muaj për rroba dhe të brendshme prej mëndafshi nga xhepi i taksapaguesve francezë ka dhënë dorëheqje.

Bëhet fjalë për Coral Deboust, deputeten dhe nënkryetaren e partisë në pushtet “LREM” të presidentit Emanuel Macron.

Pas kontrollit të shpenzimeve të saj, rezultoi se Coral Deboust shpenzonte më shumë se 2 mijë euro në muaj për të brendshme dhe rroba, para këto nga taksapaguesit francezë.

39-vjeçarja Debust, e cila ishte zgjedhja personale e presidentit francez , u zgjodh deputete në Montpellier në vitin 2017.

Një vit më parë, emri i saj pushtoi shtypin francez pasi u bë e ditur se lidhja e saj romantike me ministrin e Shëndetësisë së Francës, Olivier Veran përfundoi.

Sipas një analize të shpenzimeve të saj të publikuar nga faqja kërkimore Mediapart, Corali bënte blerjet e të brendshmeve deri në 2000 euro, veshje dhe udhëtime me shpenzimet që shkonin deri në 5374 euro në muaj, të cilat i ka marrë si deputete dhe të cilat kanë të bëjnë me detyrat zyrtare të delegatëve në Asamblenë Kombëtare Franceze.

Paga vjetore e eurodeputetëve francezë është rreth 86,000 euro , rreth 7,200 euro në muaj.

I njëjti raport zbuloi se, në vitin 2019, ish-deputetja e partisë në pushtet (LREM) filloi të merrte kredi për të financuar stilin e saj luksoz të jetesës.

/GazetaSinjali/