image Shaip Kamberi reagon ashpër pas deklaratave ofenduese të ministrit serb ndaj shqiptarëve

Kosovë

Shaip Kamberi reagon ashpër pas deklaratave ofenduese të ministrit serb ndaj shqiptarëve

news image

Deputeti shqiptar në Kuvendin e Serbisë, Shaip Kamberi i ka reaguar ministrit të Punëve të Brendshme, Aleksandar Vulin, pasi ky i fundit po vazhdon ende t’i referohet shqiptarëve me termin ofendues “šiptari”, shkruan Gazeta Sinjali.

Kamberi përmes një  një postimi në Facebook  ka thënë se nuk ndihet i ofenduar nga dikush që nuk ka dinjitet, mirëpo, sipas Kamberit, Vulin nuk po e respekton as shtetin e Serbisë.

Tutje, deputeti shqiptar ka thënë se Vulin është një nga simbolikat më të mira se ku është katandisur Serbia sot.

Reagimi i plotë i Kamberit:

Ministri i Punëve të Brendshme i Republikës së Serbisë, z.Aleksandër Vulin vazhdon ta përdor me krenari termin pezhorativ “šiptari” për shqiptarët.

Problemi nuk është se po ndjehem i ofenduar si shtetas i përkatësisë kombëtare shqiptare. Sepse nuk mund të ndjehesh i ofenduar nga dikush që nuk ka dinjitet.

Problemi është se z.Vulin tregon se nuk e respekton vetë shtetin e Serbisë dhe ligjet e saj. I kujtojmë z.Vulin se të gjitha dokumentet zyrtare të Republikës së Serbisë emërtojnë shqiptarët si “Albanci”.

Paramendoni, Ministri i Brendshëm që nuk i përfill ligjet e shtetit, terminologjinë zyrtare. Prandaj, z.Vulin është sot një nga simbolikat më të mira se ku është katandisur Serbia së sotme.

Pa e harruar faktin se duke e përdorur gjuhën e urrejtjes ndaj shqiptarëve, z.Vulin dëshmon se nuk shqetësohet për reagimin që prodhon gjuha e tij, në përditshmërinë e qytetarëve serbë që jetojnë në mjediset e përziera me shqiptarët.

Por natyrisht se z.Vulin nuk shqetësohet për fatin e Sllavicës dhe Draganit që bashkëjetojnë me shqiptarët. Ata dëshiron vetëm t’i shfrytëzojë për pushtetin e tij, duke e aktruar patriotin serbomadh nga restorantet luksoze të Beogradit./Gazeta Sinjali/